OHARRA: Webgunean agertzen diren argazki guztiak neurri handiagoan ikus daitezke. Egin klik miniaturen gainean handiago ikusteko eta Etxegana hotela ezagutzeko argazkien bitartez ibilbide berezia eginez.

"... Etxaldeko burdin hesira iritsitakoan ateak zabaldu egin dira, nire zain baleude bezala. Eta hala daude; izan ere, aurrera egin eta loreen biribilgune bereziaren inguruan biratzean, sarrera nagusira iritsi eta bi gazte hurbildu zaizkit bizkor ongietorria ematera. Ia ohartu aurretik, batek ekipajea etxean sartu duen bitartean, besteak aparkalekura eraman nau, eta bertatik etxera sartu gara zuzenean.
Harrera-gela zabala da, eta estiloak nahasten dira: koloniala, viktoriar, Frantziako probentzala... baldosa errustikoa, sabaiko zurezko habeak, artisautzako beirate koloretsuak, arreta deitu didan zaharberritutako zumarrezko ate zahar-zaharra... aurrerago eskailera, izugarria, haritzezkoa eta argi naturalarekin argiztatutakoa.
Bidaia dela eta nekatuta nagoela uste dute (hala nago) eta logelarako bidea erakutsi didate. Handia da, oso handia. Ohazeru eder bat du apaingarri oheak, alboan, armairua, chaise-longe bat... guztiak egur trinkozkoak eta eskuz filigranekin tailatutakoak. Eta bi, ez hiru leiho. Haietatik ikus ditzaket etxearen inguruko lorategi hektarea erdia eta oihanak, zelaiak eta mendiak.
Burbuiladun bainua hartu ondoren indarberrituta, bazkaltzera jaitsi naiz. Ez naiz oso gose, eta Begoñak gomendatu dit pikilloen entsalada epela eta bakailaoa bizkaitar erara jateko. Espero nuen bezala, ETXEGANAko sukaldaritzak ez du huts egin. Patxarana (etxekoa) eskuan hartuta, beiraz itxitako ataripera atera naiz. Sofa eta dibanen artean pasatu naiz gustu handiz apaindutako gelari begira: tapizeria italiarrak, Tudor Estuardo kaobazko altzariak, pianoa (hitza eman didate gauean joko dutela). Atzealdean, bilera gela. Terrazara atera naiz pixka batean eserita egotera eta paisaia pribilegiatu honen berde aukeraz intentsitate guztiz gozatzera.
Etxegana Gorbeia mendigunearen magalean egoteaz gain, parke natural gisa izendatuta dago dituen pizgarri naturalengatik: ehunka urte dituzten pagadiak, haltzadi zoragarriak, hezeguneak, hariztiak, karstak... eta horietan biltzen dira aztoreak, gabiraiak, sai zuriak, basakatuak, muxarrak, oreinak... Natura basatienaren alboan, paisaia eta kultura arloko balioak hartzen dituzten landa inguruko multzo ikusgarriak: errota zaharrak, ermitak, burdinolak... Jarduera mota guztiak egiteko aukera eskaintzen duen paradisu ingurunea: ibilbideak bizikletaz, zaldi ibilaldiak, golfa, espeleologia, arku tiroa...
Lehen egunean ez dut urrundu nahi eta etxe ondoko bidezidor batetik aurrera egin dut. Zuhaitz izugarrien azpian ibiltzeak burua eta espiritua lasaitzen ditu. Iritsi da arratsa eta eguzkiaren izpi laranja kolorekoak haritzen hostoen artetik pasatzen dira Etxeganara itzultzen naizen bitartean. Asko bidaiatu dut eta leku asko ditut berriz bisitatzeko, eta Etxeganara.... itzuliko naiz.”